Постои верување дака гласот на камбаната го подмаладува човекот за една година. Можеби затоа луѓето од Струмичката котлина носат вечна младост во душата, а верата ги воздигнала во нив чувствата за мир, спокојство и силен христијански дух кој ги вдахновил да градат цркви и манастири во името на Бога и истите со векови да ги чуваат од налетот на времето.
Манастирот „Св. Леонтиј“ во с.Водоча е сведок за мачеништвото и храброста на нашите предци, за нивната пожртвуваност за верата. Ќе Ве восхити фактот дека ова мало место било седиште на Струмичката епископија и дека токму овде се живописани најстарите и воедно највредните фрески кај нас. Со оваа библиско место е сврзана и легендата за грозоморното ослепување на четиринаесет илјадната Самоилова војска.
Подигнат на бигорна карпа над с. Вељуса се издига „Св. Богородица Елеуса“, манастир кој во времето на византискиот император Алексиј I Комнен во првата половина на XIV век бил еден од ретките кој го носел епитетот „царски манастир“. Според архитектонското решение манастирската црква e единствената од таков вид во Македонија. Навистина мала по размери и речиси четвртаста, оваа црква со основа во форма на четирилисна детелина, во целост претставува исклучително вреден и луксузен уметнички објект опкружен со едноставноста на зелената градина. Овде монахињите ќе ви ги понудат своите уникатни ракотворби, лековити билки и ликери.
Комплексот цркви „Св.15. Тивериополски маченици“ во Струмица е една од најстарите ранохристијански базилики на Балканот. Таа всушност претставува комплекс од цркви од различни временски периоди од кои најстарата потекнува од IX или почетокот на X век што се открива по фрагментарно сочуваната фреска со ликовите на мачениците и прекрасните подни мозаици кои ќе Ве воодушеват со својата убавина. Воедно овде ќе имате можност да ја посетите и Галеријата на икони во која светците ќе Ви раскажат приказна за едно друго време.
А сега во Бугарија. Три пати е опожарuван хаџидимовскиот манастир “Св. Георги”, но иконата на светецот – воин останува недопрена. Токму оведе ќе ја слушнете легендата како од сон се создава манастир, но и ноќевајте овде за здравје.
Овде секое село си има своја црква. Не чудете се ако видите дека една до друга стојат стамено и мирно и црква и џамија. Овде религиите не си пречат.