Во манастирот „Св. Богородица Елеуса“ во с. Вељуса ќе го најдете својот внатрешен мир и духовен спокој, времето ќе запре и надворешниот свет ќе исчезне. Само часовникот на кулата ќе ве потсети дека времето одминало и дека не се наоѓате во времето кога е изграден манастирот. Чудесните растенија и цвеќиња, кои го опкружуваат манастирот, ќе ве потсетат на Рајската градина. Монахињите кои живеат овде ќе ве пречекаат и ќе ве послужат со домашен сок, а ќе можете да си купите и нешто за спомен: ликер од лековити билки, рачно изработени вазни од керамика или пак икона со ликот на вашиот светец-заштитник.

Одиме понатаму до манастирот „Св. Леонтиј“ во Водоча. Овде ќе ја слушнете легендата за ослепувањето на Самуиловата војска, настан поради кој всушност и селото го добило името Водоча (вади очи).

На плочата поставена покрај Струминиот гроб, ќе ја прочитате легендата за предавството на убавата Струма, која поради клетвата на својот татко, по смртта 9 пати била исфрлана од гробот.

Во с. Добрејци ќе ги видите творбите на Милан и ќе ја откриете уметноста на уникатната древна техника „раку”, а пак во Струмица, Ленче од ателјето „Аманита“ во Струмица, ќе ви ги покаже своите волшебни витражи на стакло.

Повеќе и повеќе.